ഈ അന്ധദമ്പതികളെ സഹായിക്കുക

നമസ്കാരം

ഇതു ദേവന്‍. പാലക്കാട് ജില്ലയില്‍ കൊല്ലങ്കോടിനടുത്ത് ഊട്ടറയിലെ ലോട്ടറിക്കച്ചവടക്കാരനാണ്. 80% അന്ധതയുണ്ട്. ഭാര്യ പങ്കജം. 100% അന്ധയാണ്‌. രണ്ടു മക്കള്‍. ഏഴു വയസ്സുള്ള അജിലയും നാല് വയസ്സുള്ള അര്‍ജുനും. കുഞ്ഞുങ്ങള്‍ സ്കൂളില്‍ പോകുന്നുണ്ട്. .
.
ഈ കുടുംബത്തിനു താമസിക്കുവാന്‍ കൊല്ലങ്കോട്‌ ബ്ലോക്കില്‍ നിന്നും ഒരു വീടു കെട്ടുവാനുള്ള തുക അനുവദിച്ചിട്ടുണ്ട്. അതിലെ ആദ്യ ഗഡു 45000 രൂപ പാസായി. ആ തുക കരാറുകാരനായ കലാധരന്‍റെ കയ്യില്‍ നല്‍കി. പക്ഷെ തുടര്‍ച്ചയായി ദേവന്‍റെ ഭാര്യയ്ക്കും മക്കള്‍ക്കും വന്ന അസുഖങ്ങള്‍ക്ക് ചികിത്സയ്ക്കായും അച്ഛന്‍റെ മരണവുമായി ബന്ധപ്പെട്ടും കലാധരന്‍ ദേവനെ സാമ്പത്തികമായി സഹായിച്ചു. കയ്യില്‍ കിട്ടിയ തുകയേക്കാളും നല്‍കി കഴിഞ്ഞിട്ടും കയ്യിലുള്ള പണം മുടക്കി കരാറുകാരന്‍ കലാധരന്‍ പണിയ്ക്കായി കല്ല്‌ ഇറക്കുകയും ആദ്യ ഘട്ടത്തിന്റെ 50% പൂര്‍ത്തിയാക്കുകയും ചെയ്തു. എങ്കിങ്കിലും ബാക്കി പണി പൂര്‍ത്തിയാക്കുവാനുള്ള തുക കണ്ടെത്താന്‍ സാധാരണക്കാരനായ കലാധരനു ഇപ്പോള്‍ കഴിയുന്നില്ല. ബാക്കി പണി പൂര്‍ത്തീകരിച്ചു കഴിഞ്ഞു ഫോട്ടോ എടുത്തു ബ്ലോക്കില്‍ നല്‍കിയാലേ തുടര്‍ന്നുള്ള പണം അനുവദിക്കുകയും തുടര്‍ന്നുള്ള പണികള്‍ പൂര്‍ത്തീകരിക്കുവാന്‍ കഴിയുകയും ഉള്ളൂ..
.
അതിനെപ്പറ്റി ദേവന്‍ തന്നെ പറയുന്നത് ഈ വീഡിയോയില്‍ നിന്നും വീടിന്റെ അടിത്തറയുടെ പശ്ചാത്തലത്തില്‍ ഒന്ന് കേട്ട് നോക്കൂ.

[fve]https://www.youtube.com/watch?v=WaW0Ee9sa2I[/fve]